Public Voice (ရုပ်သံအစီအစဉ်)

ပြည်တွင်းဈေးကွက်မှာ အပြိုင်အဆိုင် လုပ်ကိုင်နေကြ ဆက်သွယ်ရေးအော်ပရေတာလေးခု ရဲ့ ၀န်ဆောင်မှုတွေနဲ့ ပြည်သူလူထုရဲ့ အမြင်ကို မေးမြန်းတင်ဆက်ထားပါတယ်။

 

၂၀၁၈ ဇွန် ၉ ရက်မှာ တစ်နိုင်ငံလုံးအတိုင်းအတာ ၀န်ဆောင်မှု မိတ်ဆက်ပွဲကျင်းပပြီးတော့ Mytelဟာဆက်သွယ်ရေးအော်ပရေတာ သုံးခုရှိနေနှင့်ပြီးဖြစ်တဲ့ ပြည်တွင်းဈေးကွက်ထဲမှာ နောက်ဆုံးဆက်သွယ်ရေးအော်ပရေတာအနေနဲ့ ၀င်ရောက်လာခဲ့ပါတယ်။ ဒါကြောင့် ပြည်တွင်းဈေးကွက်မှာတော့ ဆက်သွယ်ရေးအော်ပရေတာ လေးခုအပြိုင်အဆိုင် လုပ်ကိုင်နေကြရပြီ ဖြစ်ပါတယ်။ လက်ရှိမှာ သုံးစွဲသူအရေအတွက်အနေနဲ့ MPT က ၂၅ သန်း၊ တယ်လီနောက ၁၉ သန်းကျော်၊ အူရီဒူးက ကိုးသန်းကျော်ဆိုတော့ အားလုံးပေါင်းလိုက်ရင် ၅၄ သန်းကျော်လောက် ရှိနေပါတယ်။ အခု ၂၀၁၈ နှစ်လယ်ပိုင်းမှာ ပေါ်ပေါက်လာတဲ့ Mytel ကလည်း သူတို့ဆင်းမ်ကတ်တွေကို တစ်သန်းကျော်လောက် သုံးစွဲမှုရှိနေတယ်လို့ တရားဝင် ပြောကြားထားပါတယ်။

လောလောဆယ် အနေအထားအရတော့ ဆင်းမ်ကတ် အရေအတွက်က လူဦးရေအရေအတွက်ကို ကျော်လွန်သွားပြီဖြစ်လို့ မိုဘိုင်းဖုန်းသိပ်သည်းဆအနေနဲ့ ၁၀၀ ရာခိုင်နှုန်းကို ကျော်လွန်လို့ ၁၁၀ ရာခိုင်နှုန်းလောက် ဖြစ်နေပြီလို့ သုံးသပ်မှုတွေ ရှိနေပါတယ်။ ဘာပဲပြောပြော မြန်မာနိုင်ငံရဲ့ ဆက်သွယ်ရေးကဏ္ဍဟာ ပြိုင်ဘက်ကင်းတစ်ဦးတည်း ချုပ်ကိုင်ထားတဲ့ အခြေအနေကနေ လွတ်မြောက်လာခဲ့ပြီးအပြိုင်အဆိုင် လုပ်ကိုင်ကြတဲ့ ခေတ်တစ်ခေတ် အလွန်ကိုတောင် ရောက်ရှိလာပြီလို့ ဆိုရမှာ ဖြစ်ပါတယ်။

လူတိုင်းရဲ့ လက်ထဲကိုဖုန်းတွေရောက်လာတာ၊ ဆက်သွယ်ရေးစနစ်တွေ မြန်ဆန်လွယ်ကူလာတာတွေက ဘယ်လိုပဲဘေးထွက်ဆိုးကျိုးတွေ ရှိပါစေဦးတော့ အရင်ကထက်စာရင် ပိုကောင်းလာတယ်လို့သာ မှတ်ချက်ပြုရမှာ ဖြစ်ပါတယ်။

 

 


နောက်ဆုံးရသတင်းများ

1 2 3 3,426