မက်ဆီနဲ့ စီရော်နယ်လ်ဒိုဟာ တစ်ခေတ်တည်းမှာ လင်းပတဲ့ ဂန္ထဝင်နှစ်ဦးပါပဲ။ ထူးခြားတိုက်ဆိုင်စွာပဲ ကိန်းဂဏန်းနံပါတ် (၁၀၀၀)နဲ့ စံချိန်မှတ်တမ်းတွေဟာ ပြီးခဲ့တဲ့ဖေဖော်ဝါရီလ (၂၃)ရက်မှာ သူတို့နှစ်ဦးဆီ ဆိုက်ကပ်လာခဲ့ပါတယ်။ မက်ဆီက မှော်ဆရာဖြစ်တယ်ဆိုရင် စီရော်နယ်လ်ဒိုက စက်ရုပ်လူသားပါပဲ။ ပါရမီနဲ့ ကြိုးစားအားထုတ်မှု စီးချင်းထိုးပွဲဟာ ကျွန်တော်တို့ကို နှစ်ကာလများစွာဖျော်ဖြေခဲ့ပါတယ်။ ကျွန်တော်တို့ဟာ မှော်ဆရာနဲ့ စက်ရုပ်လူသားတို့ရဲ့ ပါ၀ါကို မြင်ခွင့်ရတဲ့ မျက်မြင်သက်သေများပါပဲ။
သူတို့နှစ်ဦး ဘယ်အချိန်အနားယူမလဲဆိုတာ ဘယ်သူမှ မသိနိုင်သေးဘူး။ သူတို့နှစ်ဦးပရိသတ်တွေကြား ဘယ်သူပိုကောင်းတယ်ဆိုတဲ့ငြင်းခုန်မှုတွေဟာ သူတို့နှစ်ဦးအနားယူပြီးရင်လည်း အဆုံးသတ်လိမ့်မယ်မထင်ပါဘူး။ ကျွန်တော်တို့ဟာ မှော်ဆရာနဲ့ စက်ရုပ်လူသားတို့ရဲ့ ဘောလုံးပြဇာတ်ကို မြင်တွေ့ခွင့်ရပြီး သူတို့ရဲ့ နေဝင်ချိန်ကိုလည်း ခံစားခွင့်ရမယ့် မျက်မြင်သက်သေများပါပဲ။
