ကမ်းလွန်လုပ်ကွက် သုံးခုတွင် သဘာဝဓာတ််ငွေ့တွေ့ရှိကြောင်း စမ်းသပ်တွေ့ရှိခဲ့သဖြင့် စီးပွားဖြစ် ထုတ်လုပ်နိုင်မည့် အခြေအနေကို သိရှိနိုင်ရန် အသေးစိတ် စူးစမ်းလေ့လာမှုများ ဆောင်ရွက်လျက်ရှိကြောင်း လျှပ်စစ်နှင့် စွမ်းအင်ဒုဝန်ကြီးပြောကြား
ကမ်းလွန်လုပ်ကွက် သုံးခုမှာ သဘာဝဓာတ််ငွေ့တွေ့ရှိတယ်လို့ စမ်းသပ်တွေ့ရှိခဲ့တဲ့အတွက် စီးပွားဖြစ် ထုတ်လုပ်နိုင်မယ့် အခြေအနေကို သိရှိနိုင်ရန် အသေးစိတ်စူးစမ်းလေ့လာမှုများကို ဆက်လက်ဆောင်ရွက်လျက်ရှိပြီး စီးပွားဖြစ်ထုတ်လုပ်နိုင်မယ် ဆိုပါက ပြည်သူလူထုကို အချိန်နှင့်တပြေးညီ အသိပေးသွားမှာဖြစ်တယ်လို့ လျှပ်စစ်နှင့်် စွမ်းအင်ဝန်ကြီးဌာန ဒုတိယဝန်ကြီး ဒေါက်တာထွန်းနိုင်က ပြောကြားခဲ့ပါတယ်။
