■ တစ်ကမ္ဘာလုံးက အပူထက် လီဗာပူးလ်ရဲ့အပူ ပိုနေမလား
ဥရောပဘောလုံးပွဲတွေ ဘယ်တော့ပြန်စမလဲ၊ ဒါမှမဟုတ် ရင်ခုန်သံတွေ ဘယ်တော့ပြန်လည်ပတ်မလဲ။ ဘောလုံးပရိသတ်တွေအများစုရဲ့ရင်ထဲ ကိုရိုနာဗိုင်းရပ်စ် စိုးထိတ်စိတ်ထက် ရင်ခုန်ဖွယ်ရာ ဘောလုံးပွဲတွေမရှိမယ့် ညတွေဟာ ပိုပြီးစိုးထိတ်စရာဖြစ်နေမလားပဲ။
ပရီးမီးယားလိဂ်အသိုင်းအဝိုင်းမှာလည်း အစိုးရိမ်လွန်သူတွေရှိနေပါတယ်။ အစိုးရိမ်အလွန်ဆုံးဟာ လီဗာပူးလ်ပရိသတ်တွေ ဖြစ်မယ်ထင်ပါတယ်။ ပရီးမီးယားလိဂ်ချန်ပီယံဆုနဲ့ပတ်သက်ပြီး စိုးရိမ်စိတ်ပါပဲ။
Sky Sports ရဲ့ စစ်တမ်းမှာ ပရီးမီးယားလိဂ် ဖျက်သိမ်းခဲ့မယ်ဆိုရင်လည်း လီဗာပူးလ်ကို ချန်ပီယံဆုပေးသင့်တယ်ဆိုပြီး မဲပေးသူအရေအတွက်များခဲ့ပါတယ်။ လီဗာပူးလ်ရဲ့ လက်ရှိရာသီစွမ်းဆောင်ရည်တွေကြောင့် ပရီးမီးယားလိဂ်ချန်ပီယံဆုနဲ့ ထိုက်တန်ပါတယ်။ ဒီလိုမဟုတ်ဘဲ ပရီးမီးယားလိဂ်ဖျက်သိမ်းပြီးမှ ရမယ့်ဖလားဟာ လီဗာပူးလ်အတွက် အလုံးစုံချိုမြိန်နိုင်မှာမဟုတ်ဘူး။
