■ အီဂါလိုရဲ့ အရွယ်လွန်အိပ်မက် အသက်က(၃၁)။
ပုံစံကလည်း ပရိသတ်အကြိုက်မဟုတ်။ အသက်အရွယ်၊ ကျော်ကြားမှုဆိုတာတွေကိုစတေးပြီး ငွေနောက်လိုက်သူတွေလမ်းစဉ်ဖြစ်တဲ့ တရုတ်စူပါလိဂ်ကို အခြေချခဲ့သူလို့ ဝေဖန်ခံရဖူးသူတစ်ယောက်။ ပြီးတော့ အသင်းခေါ်ယူဖို့စောင့်ကြည့်ခံစာရင်း ရာနဲ့ချီထဲကမှ စစ်ထုတ်၊ ရွေးချယ်ခဲ့သူဆိုတဲ့ သတင်းတွေလည်း သဲ့သဲ့ကြားရတယ်။ ယူနိုက်တက်ပရိသတ်တွေ မျှော်လင့်တာ ဒီလိုကစားသမားမျိုးမဟုတ်ခဲ့ဘူးဆိုတာတော့ သေချာတယ်။ ဒါက အိပ်မက်ကဇာတ်ရုံ၊ နီရဲသောအဆင်းနဲ့ မန်ချက်စတာလေ။
အီဂါလိုနဲ့ပတ်သက်ရင် ပရိသတ်တွေအမြင်ကတစ်မျိုးပြောင်းသွားပြီ။ အပြောအများဆုံးကတော့ သူ့ရဲ့ First Touch ဖြစ်ပါတယ်။ သူကဂိုးတွေသွင်းနိုင်သလို ပြိုင်ဘက်ခံစစ်မှူးတွေကို ဖိအားပေးနိုင်တယ်။ လာခြင်းကောင်းတဲ့သူ အဖြစ်ရှိနေပြီ။ အီဂါလိုရဲ့ အိပ်မက်ဟာ အရွယ်လွန်မှသီးပွင့်ခဲ့ရတယ်။ ဒါပေမဲ့ ဒီအချိန်ထိတော့ ရွှန်းရွှန်းဝေနေဆဲ.. ။
