“အမျိုးသားဒီမိုကရေစီအဖွဲချုပ်က ရွေးကောက်ပွဲမှာ ကြွေးကြော်ခဲ့တာက စစ်မှန်သောဒီမိုကရေစီစနစ်၊ စစ်မှန်သော အခြေခံဥပဒေ ပေါ်ပေါက်ရေးလုပ်ခဲ့တာ သို့သော်လည်း လွှတ်တော်ကိုရောက်သွားတဲ့အခါမှာ အဲဒီကိစ္စကို ဃဂနဏ  ဆောင်ရွက်တာ တစ်ခုမှ မတွေ့ဘူး”

■ ဦးနိုင်းနိုင်း (NLD ပါတီ ၁၉၉၀ ပြည်သူ့လွှတ်တော်ကိုယ်စားလှယ်ဟောင်း)

ဦးနိုင်းနိုင်းဟာ ၁၉၉၀ ခုနှစ် ရွေးကောက်ပွဲမှာ အမျိုးသားဒီမိုကရေစီအဖွဲ့ချုပ်ရဲ့ ပုဇွန်တောင်မြို့နယ် ပြည်သူ့လွှတ်တော် ကိုယ်စားလှယ်ဖြစ်ခဲ့ပြီး အဲဒိနှစ်မှာပဲ စစ်အစိုးရက ဖမ်းဆီးထောင်ချတာကိုခံခဲ့ရပါတယ်။ ၁၉၉၉ ခုနှစ်မှာ ထောင်ကပြန်လည်လွတ်မြောက်လာခဲ့ပြီး ၂၀၀၀ ခုနှစ်မှာ ဒုတိယအကြိမ် ဖမ်းဆီးထောင်ချခြင်းကိုခံရပြန်ပါတယ်။ ၂၀၀၉ ခုနှစ်မှာ ထောင်ကပြန်လည်လွတ်မြောက်လာခဲ့ပြီး ၂၀၁၂ ခုနှစ် ကြားဖြတ် ရွေးကောက်ပွဲမှာ အမျိုးသားဒီမိုကရေစီအဖွဲ့ချုပ် - NLDပါတီရဲ့ ရန်ကုန်တိုင်း ရွေးကောက်ပွဲအောင်နိုင်ရေး ကော်မတီဥက္ကဋ္ဌအဖြစ် ဆောင်ရွက်ခဲ့ပါတယ်။ အမျိုးသားဒီမိုကရေစီအဖွဲ့ချုပ်မှာ မြို့နယ်အဆင့်ကနေ ဗဟိုလုပ်ငန်းအဖွဲ့တာဝန်၊ ရန်ကုန်တိုင်းတာဝန်ခံ၊ အဖွဲ့ချုပ်၏ ဗဟိုလူမှု အထောက်အကူအဖွဲ့ တာဝန်ခံစတဲ့ တာဝန်တွေကို ထမ်းဆောင်ခဲ့ပြီး ၂၀၁၃ ခုနှစ်၊ ဧပြီလအတွင်းမှာ အမျိုးသားဒီမိုကရေစီ အဖွဲ့ချုပ်ပါတီ ဗဟိုညီလာခံ မတိုင်မီ အဖွဲ့ချုပ်မှ နုတ်ထွက်ခဲ့သူဖြစ်ပါတယ်။