၂၀၁၈ ခုနှစ်အတွင်း နိုင်ငံရေးနယ်ပယ်မှ ထင်ရှားကျော်ကြားဖြစ်စဉ်များ

Published 3 January 2019

ပြီးခဲ့တဲ့ ၂၀၁၈ ခုနှစ်အတွင်း နိုင်ငံရေးနယ်ပယ်မှာ နိုင်ငံတော်သမ္မတအပြောင်းအလဲဖြစ်ခဲ့တာအပါအဝင် ထင်ရှားတဲ့ဖြစ်စဉ် အများအပြားဖြစ်ပေါ်ခဲ့ပါတယ်။ ဝန်ကြီးတွေ၊ ဝန်ကြီးချုပ်တွေ အပြောင်းအလဲဖြစ်တာ၊ ငြိမ်းချမ်းရေးအတွက် တပ်မတော်ဘက်က ဖြေလျှော့မှုတစ်ခုလုပ်ခဲ့တာ၊ နှစ် ၂၀ အတွင်းပထမဆုံးအကြိမ်အဖြစ် တပ်မတော်ကကျည်အစစ်တွေနဲ့ ကြည်း၊ ရေ၊ လေပူးပေါင်းစစ်ဆင်ရေးလေ့ကျင့်ခဲ့တာစသဖြင့်လည်း ဖြစ်စဉ် အများအပြားဖြစ်ပေါ်ခဲ့တာဖြစ်ပါတယ်။ အဲ့ဒီလိုထူးခြားဖြစ်စဉ်တွေထဲကမှ နိုင်ငံနဲ့ ပြည်သူတွေအပေါ် သက်ရောက်မှုများပြားပြီး စိတ်ဝင်စားဖွယ်ဖြစ်ခဲ့တဲ့ ဖြစ်စဉ်အချို့ကို Eleven Broadcasting က ရွေးချယ်တင်ဆက်ပေးထားပါတယ်။