“ဇာတ်ပို့ဇာတ်ရံတွေဟာ သေတဲ့အထိအဖြည့်ခံတွေပါပဲ”လို့ လူကြမ်းသရုပ်ဆောင် ဦးမင်းစိန်ရဲ့ နောက်ဆုံးခရီးအတွက် စိတ်မကောင်းစွာ ပြောပြခဲ့တဲ့ သရုပ်ဆောင် အောင်ခိုင်
ပရိသတ်အများက “လူကြမ်းသရုပ်ဆောင်” လို့ခေါ်ကြတဲ့ ဇာတ်ပို့ဇာတ်ရံ သရုပ်ဆောင် ဦးမင်းစိန်ဟာ ဇန်နဝါရီ(၅)ရက်နေ့ မနက်(၂)နာရီခွဲအချိန်က ရန်ကုန်ပြည်သူ့ဆေးရုံကြီးမှာ ကွယ်လွန်သွားခဲ့ပြီဖြစ်ပါတယ်။ ဇာတ်ပို့ဇာတ်ရံ သရုပ်ဆောင်ဘဝကို နှုတ်ဆက်ထွက်ခွာသွားပြီဖြစ်တဲ့ ဦးမင်းစိန်ရဲ့ နောက်ဆုံးခရီး ကိစ္စအဝဝကိုတော့ ကိုလူချောအဖွဲ့နဲ့အတူ သရုပ်ဆောင် ဦးအောင်ခိုင်က စီစဉ်ဆောင်ရွက်ပေးနေပြီး “ဇာတ်ပို့ဇာတ်ရံတွေဟာ သေတဲ့အထိအဖြည့်ခံတွေပါပဲ”လို့ နောက်ဆုံးခရီး အတွက် မပြည့်မစုံဖြစ်နေရရှာတဲ့ ဦးမင်းစိန်နဲ့ပတ်သက်ပြီး စိတ်မကောင်းစွာ ပြောခဲ့ပါတယ်။
