ပွင့်ပွင့်လင်းလင်းစကားပြောတတ်တဲ့၊ ရိုးရိုးရှင်းရှင်းနေထိုင်တတ်တဲ့ပုံစံတွေကြောင့် The Voice Myanmar Season(3) ပြိုင်ပွဲဝင်နေစဉ် အချိန်ကစလို့အခုလိုအချိန်တိုအတောအတွင်းမှာ ပရိသတ်တွေက ချစ်ခင်ပြီး သူ့ရဲ့ပကတိပုံစံ အတိုင်းကိုပဲ လက်ခံ အားပေးမှုတွေရရှိထားတဲ့ Grace ကတော့ လက်ရှိမှာဆိုရင် အနုပညာအလုပ်တွေလည်း အများကြီးလက်ခံထားရသလို အလုပ်အပ်တဲ့ သူတွေကို လေးစားသမှုနဲ့ ရိုက်ကူးရေးလုပ်ရတဲ့အချိန်မှာ လိုက်ဖက်တဲ့အဝတ်အစားတွေဆင်ယင်ထားရပေမယ့် အပြင်က ဘဝအနေနဲ့ ဆိုရင်တော့ စုတ်စုတ်ပြတ်ပြတ်နဲ့ ဒီပုံစံအတိုင်းပဲဆက်နေနေမှာပါလို့ဆိုပါတယ်။ သူမကိုသူမလည်းအရမ်း အထင်မကြီး ထားသလို ဘာမှလည်းမဟုတ်သေးတဲ့ သူတစ်ယောက်ကို ပရိသတ်တွေကအားပေးနေတာတွေ့ရတော့ အံ့သြမိတယ်လို့လည်း ဆိုပါတယ်။