“ဆင်ဆာနဲ့ပတ်သက်လို့ကတော့ မထိဖူးတဲ့ကားမရှိဘူး၊ တစ်ကားလုံးရိုက်ပြီးမှ မပြရသေးတဲ့ကားတွေတောင်ရှိသေးတယ်” - ယုန်လေး မြန်မာနိုင်ငံမှာ ဆင်ဆာစနစ်ကိုဖျက်သိမ်းပြီး Rating System ကို အမြန်ဆုံးပြောင်းလဲကျင့်သုံးနိုင်ဖို့အတွက် လုပ်ဆောင်ကြရာမှာတော့ အနုပညာရှင်များ၊ ရုပ်ရှင်လောကသားများနဲ့အခြားသော အသိပညာရှင် အတတ်ပညာရှင်များက လက်မှတ်ရေးထိုးထောက်ခံမှုတွေပြုလုပ်ခဲ့ပြီး အဆိုတော် သရုပ်ဆောင် ယုန်လေးနဲ့ ထူးခြား တို့ကလည်း လက်မှတ်ရေးထိုးပြီး ဝန်းရံခဲ့တယ်လို့ဆိုပါတယ်။ ဆင်ဆာစနစ်အပေါ် သူတို့နှစ်ဦးရဲ့အမြင်နဲ့ဘာ့ကြောင့် Rating Systemကို ပြောင်းလဲကျင့်သုံးချင်ရလဲဆိုတဲ့ အပိုင်းကို အခုလိုပဲပြောပြခဲ့ပါတယ်။