ဆိုးလ်ရှားလက်ထက်မှာရော၊ မန်ချက်စတာယူနိုက်တက်ဟာ ဘယ်လောက်ရဲရင့်နေပြီလဲ။ ဂုဏ်သိက္ခာပန်းပွင့်တွေ ဘယ်လောက်ဝေနေပြီလဲ။ ရဲရင့်စွာ ဖူးဝေလိုက်၊ တိတ်ဆိတ်စွာ ကြွေဆင်းလိုက် သံသရာထဲ ဆိုးလ်ရှား အခါခါပြိုလဲနေရတုန်းပဲ။ ပရီးမီးယားလိဂ်ချန်ပီယံဆုတဲ့လား၊ အဲဒီမျှော်လင့်ချက်ဆီ ရောက်အောင် တော်လှန်ရေးတွေ ဘယ်နှခါ ဆင်နွှဲရဦးမလဲ။ ဒီရာသီမှာ ဦးဆောင်သူနေရာ သိမ်းပိုက်နိုင်တဲ့အထိ မန်ချက်စတာယူနိုက်တက် မော်ကြွားနိုင်ခဲ့ပါတယ်။ ဒါပေမဲ့ ခေတ္တခနသာ မော်ကြွားခွင့်ရခဲ့ပြီး အခုဆိုရင် ခါးသီးတဲ့မြို့ခံပြိုင်ဘက် မန်စီးတီးရဲ့ အဝေး (၇)မှတ်အကွာနဲ့ ချန်ပီယံမျှော်လင့်ချက်ဟာ သိမ်ငယ်သွားရပြန်ပြီ။