ငွေကြေးအလွဲသုံးစားပြုလုပ်သည်ဟုဆိုကာ ပြည်သူတဦးမှ တိုင်ကြားထားသည့် ကိစ္စနှင့် ပက်သက်၍ တာဝန်ရှိသဖြင့် ဧရာဝတီတိုင်း လွှတ်တော် ဒုဥက္ကဋ္ဌအား NLD ပါတီမှ ထုတ်ပယ်
ဧရာဝတီတိုင်းဒေသကြီး လွှတ်တော်မှာအသုံးပြုဖို့အတွက် မော်တော်ယာဉ်ငါးစီး ဝယ်ယူရာမှာ ငွေကြေးအလွဲသုံးစားပြုလုပ်မှုတွေ ရှိခဲ့တယ်လို့ တိုင်ကြားခံရမှုနဲ့ ပက်သက်ပြီး ပါတီဗဟိုရဲ့ အထူးစုံစမ်းစစ်ဆေး ရေးအဖွဲ့မှ စစ်ဆေးပြီးနောက် တာဝန်ရှိတာကြောင့် လွှတ်တော် ဒုတိယဥက္ကဋ္ဌ ဦးစံမင်းအောင်ကို အမျိုးသားဒီမိုကရေစီအဖွဲ့ချုပ် ပါတီဝင်အဖြစ်မှ ဇန်နဝါရီလ ၁၅ ရက်နေ့က ထုတ်ပယ်ခဲ့တယ်လို့ သိရပါတယ်။
