ပရီးမီးယားလိဂ်အကောင်းဆုံးကစားသမားဆု ဘယ်သူရမလဲ
PFA အကောင်းဆုံးကစားသမားဆုဆိုတာ ပရီးမီးယားလိဂ်ရပ်ဝန်းမှာကျင်လည်ကျက်စားသူတိုင်း တပ်မက်ရာ ဆုလာဘ်လည်းဖြစ်ပြန်တယ်။ သူရဲကောင်းတွေထဲက အထူးချွန်ဆုံးသူရဲကောင်းရွေးချယ်ပွဲလို့လည်း တင်စားနိုင်တယ်။ မနှစ်တုန်းက ဒီဘရိုင်းနားဟာ PFA အကောင်းဆုံးကစားသမားဆု ဆွတ်ခူးပြီး သူ့ရဲ့ ထူးချွန်မှုကို ထပ်ပြီးသိဒ္ဓိတင်နိုင်ခဲ့ပါတယ်။ (၁၃)ဂိုးသွင်း၊ ဂိုးဖန်တီးမှု အကြိမ် (၂၀)ပြုလုပ်နိုင်ခဲ့သူ ဒီဘရိုင်းနားဟာ PFA အကောင်းဆုံးကစားသမားဆု ဆွတ်ခူးပြီး မန်စီးတီးရဲ့ ပရီးမီးယားလိဂ်ချန်ပီယံဆု လက်လွှတ်လိုက်ရမှုဝေဒနာကို နှစ်သိမ့်နိုင်ခဲ့တယ်။ လက်ရှိရာသီမှာတော့ မန်စီးတီးဟာ မနှစ်ကထက် ပိုပြီးအားကောင်းမောင်းသန် ရှင်သန်နေပြီ။ ပရီးမီးယားလိဂ်ချန်ပီယံဆု သိမ်းပွဲကို ခပ်လွယ်လွယ်ဆင်နွှဲနိုင်တော့မယ်။ ဒီဘရိုင်းနားလက်ထဲက PFA အကောင်းဆုံးကစားသမားဆုကို မန်စီးတီးအသင်းဖော်တွေထဲက တစ်ယောက်ယောက် လုယူနိုင်မလား။ ဒါမှမဟုတ် ပြိုင်ဘက်တွေရဲ့ လက်ထဲ ရောက်သွားမလား။ PFA အကောင်းဆုံးကစားသမားဆု ဘယ်သူဆွတ်ခူးမလဲ။
