■ ဆုဖလားတွေအတွက် မွေးဖွားလာသူ စီရော်နယ်လ်ဒို

Published 20 May 2021

ကိုပါအီတာလီယာချန်ပီယံဆုဟာ ဂျူဗင်တပ်စ်နည်းပြအတွက် ပီယာလိုအတွက် နှစ်သိမ့်ဆုထက် ပိုနေပါလိမ့်မယ်။ အသက် (၄၃)နှစ်အရွယ် ဂိုးသမား ဘူဖွန်အတွက် အမှတ်တရဆုဖလား ဖြစ်နေပါလိမ့်မယ်။ ကိုပါအီတာလီယာချန်ပီယံဆုအများဆုံးရယူနိုင်တယ်ဆိုတဲ့ ဂုဏ်ပုဒ်ဟာ ဘူဖွန်အတွက် ဂျူဗင်တပ်စ်ကစားသမားဘ၀ နောက်ထပ် အမှတ်တရဆုဖလားပဲမဟုတ်လား။ ပြီးတော့ စီရော်နယ်လ်ဒိုအတွက် ဂျူဗင်တပ်စ်ကစားသမားဘ၀ နှုတ်ဆက်ဆုဖလားလည်း ဖြစ်သွားနိုင်တာပဲ။ ဘယ်လိုပဲဖြစ်ဖြစ် စီရော်နယ်လ်ဒိုဟာ စိတ်ပျက်ဖွယ်ရာ ၂၀၂၀-၂၁ ရာသီမှာ ကိုပါအီတာလီယာ ချန်ပီယံဆု ဆွတ်ခူးပြီး ဆုဖလားတွေအတွက် မွေးဖွားလာသူအဖြစ် ထပ်ပြီး သက်သေပြခဲ့ပြီ။