ဆူဒန်တွင် စစ်တပ်အကြီးအကဲနှင့်သဘောတူညီမှုရရှိခဲ့ပြီးနောက် ဝန်ကြီးချုပ် ဟမ်းဒေါ့က အစိုးရအဖွဲ့ကို ပြန်လည်ဦးဆောင်မည်ဟု စေ့စပ်ညှိနှိုင်းသူများ ပြောကြား

ဆူဒန်နိုင်ငံမှာ ပြီးခဲ့တဲ့လက စစ်တပ်ရဲ့အာဏာသိမ်းမှုဖြစ်ပွားခဲ့ချိန်ကတည်းက ဖမ်းဆီးထိန်းသိမ်းခံထားရတဲ့ အရပ်ဘက် ခေါင်းဆောင်တွေကို ပြန်လည်လွှတ်ပေးဖို့နဲ့ ဝန်ကြီးချုပ်အဗ္ဗဒယ်လာဟမ်းဒေါ့ကို အစိုးရအဖွဲ့ကို ပြန်လည်ဦးဆောင်ခွင့်ပေးဖို့ ဆူဒန်စစ်တပ်ရဲ့ ဗိုလ်ချုပ်ကြီး အဗ္ဗဒယ် ဖာ တာ အယ်ဘာဟန်နဲ့ ဝန်ကြီးချုပ်ဟမ်းဒေါ့တို့အကြား သဘောတူညီမှုရရှိခဲ့တယ်လို့ ကြားဝင်စေ့စပ်ပေးသူတွေက နိုဝင်ဘာ ၂၁ ရက်မှာ ပြောကြားခဲ့ပါတယ်။