လက်ပံတောင်းကြေးနီစီမံကိန်းဒေသကိုစစ်ဆေးရာတွင် အမှုန်အမွှားများ သတ်မှတ်ထားသည်ထက်ပိုများနေပြီး အက်စစ်ဖျန်းရာတွင်လည်း ခွင့်ပြုထားသည့်စနစ်အတိုင်း ပြုလုပ်ခြင်းမရှိသည်ကို တွေ့ရှိခဲ့ဟုဆို
စစ်ကိုင်းတိုင်းဒေသကြီး၊ယင်းမာပင်ခရိုင်၊ဆားလင်းကြီးမြို့နယ်အတွင်းရှိ လက်ပံတောင်းတောင်ကြေးနီ စီမံကိန်းရဲ့ တောင်ဘက်မှာ အမှုန်အမွှားတွေဟာ သတ်မှတ်ထားတာထက် ပိုမိုများပြားနေပြီး ကြေးနီ စီမံကိန်း ဘက်က အက်စစ်ဖျန်းရာမှာလည်း ခွင့်ပြုထားတဲ့ အစက်ချစနစ်အတိုင်းမလုပ်ထားတာကို တွေ့ရှိခဲ့ရတယ်လို့ တိုင်းဒေသကြီး၊ သဘာဝပတ်ဝန်းကျင်ထိန်းသိမ်းရေးဦးစီးဌာနရုံးက လက်ထောက်ညွှန်ကြားရေးမှုး ဦးကျော်စိုးက ပြောပါတယ်။
