ပုဒ်မ ၁၃၀-ကဖြင့် စွဲချက်တင်ထားသည့် အမှုအတွက် စစ်ဆေးရန် ကျန်ရှိသည့် ခံပြသက်သေ နှစ်ဦးအား ပယ်ချ၍ အစိုးရအဖွဲ့ရုံးမှသက်သေ သုံးဦးအား စစ်ဆေးရန် ပြန်လည်ချိန်းဆို
၂၀၂၀ ရွေးကောက်ပွဲတွင် ပြည်ထောင်စုရွေးကောက်ပွဲကော်မရှင်(UEC)အား မလျော်ဩဇာလွှမ်းမိုးခြင်းများကြောင့်ဟုဆိုကာ ဦးဝင်းမြင့်၊ ဒေါ်အောင်ဆန်းစုကြည်နှင့် ဦးမင်းသူတို့ကို ရာဇသတ်ကြီး ပုဒ်မ ၁၃၀-က ဖြင့် စွဲချက်တင်ထားသည့် အမှုနှင့်ပတ်သက်၍ ခံပြသက်သေအဖြစ် တင်ပြထားသည့် သက်သေနှစ်ဦးအား ပယ်ချလိုက်ပြီး ပြည်ထောင်စုအစိုးအဖွဲ့ရုံးမှ သက်သေ သုံးဦးအား စစ်ဆေးရန် ချိန်းဆိုထားကြောင်း အမှုနှင့်ပတ်သက်၍ ထွက်ပေါ်လာသည့် သတင်းများအရ သိရသည်။
