■ စားသုံးသူကာကွယ်ရေးဥပဒေထုတ်ပြန်ပြီးပါက ဥပဒေထုတ်ပြန်ပြီး တစ်နှစ်ပြည့်မြှောက်တဲ့နေ့မှာပဲ ဆေးဝါးအပါအဝင်၊ အလှကုန်၊ စားသောက်ကုန်စသည့် ပစ္စည်းများတွင် ကုန်အညွှန်းအမှတ်အသားဖော်ပြရာ၌ မြန်မာဘာသာနဲ့ ထည့်သွင်းရေးသားရမယ်လို့ ဖေဖော်ဝါရီလ ၂၆ ရက်က ပြည်ထောင်စုလွှတ်တော်မှာ အတည်ပြုခဲ့တဲ့ ဥပဒေမူကြမ်းအရသိရတာဖြစ်ပါတယ်။ စားသုံးသူကာကွယ်ရေးဥပဒေမူကြမ်းရဲ့ အခန်း ၁၈၊ ကုန်အညွှန်းအမှတ်အသားဖော်ပြခြင်းအခန်းပါ ပြဌာန်းချက်တွေကို အဆိုပါ ဥပဒေထုတ်ပြန်ပြီး ၁နှစ်ပြည့်မြှောက်တဲ့နေ့မှာ စတင်အာဏာတည်စေမှာဖြစ်ပြီး၊ ကျန်အခန်းပါ ပြဌာန်းချက်တွေကိုတော့ ဥပဒေထုတ်ပြန်တဲ့နေ့မှာပဲ စတင်အာဏာတည်စေမယ်လို့ လွှတ်တော်က အတည်ပြုခဲ့တာလည်းဖြစ်ပါတယ်။ အဆိုပါ စားသုံးသူကာကွယ်ရေးဥပဒေပေါ်ထွက်လာမယ့် အပေါ်ပြည်သူတွေကလည်း အခုလိုပဲပြောပြထားပါတယ်။
