ကိုရီးယား၌ သုံးနှစ်အထက်တရားဝင်လုပ်ကိုင်ခဲ့ပြီး ပြန်လည်ရောက်ရှိခဲ့သော လုပ်သားများအတွက် ပြုလုပ်မည့် CBT စာမေးပွဲ စက်တင်ဘာလဆန်းပိုင်းတွင်ပြုလုပ်ရန် လျာထားပြီး Online စနစ်ဖြင့် လျှောက်လွှာတင်ရမည်

ကိုရီးယားမှာ သုံးနှစ်အထက် တရားဝင်အလုပ်လုပ်ကိုင်ခဲ့ပြီး အကြောင်းအမျိုးမျိုးကြောင့် မြန်မာနိုင်ငံကို ပြန်လည်ရောက် ရှိခဲ့တဲ့လုပ်သားတွေအတွက် ကျင်းပပြုလုပ်မယ့် CBT စာမေးပွဲ (ကိုရီးယားဘာသာအရည်အချင်းစစ် အထူးသီးသန့်စာမေးပွဲ Special EPS Topik) ကို စက်တင်ဘာလဆန်းပိုင်းမှာ ကျင်းပဖို့လျာထားပြီး Online စနစ်နဲ့ လျှောက်လွှာတင်ရမယ်လို့ အစိုးရ ပြည်ပအလုပ်အကိုင်အေဂျင်စီရဲ့ သတင်းထုတ်ပြန်ချက်အရ သိရပါတယ်။