■ အေးချမ်းတဲ့မိသားစုရိပ်မြုံလေးရဲ့ ရွှေတောင်ကြီး ပြိုချိန် . . . (ရုပ်သံအင်တာဗျူး) အင်းစိန်မြို့နယ် စော်ဘွားကြီးကုန်းမှတ်တိုင်အနီးမှာ နိုဝင်ဘာ ၃ ရက် နံနက်ပိုင်းက အငှားယာဉ်‌မောင်းတစ်ဦး YBS ယာဉ်နဲ့ အတိုက်ခံခဲ့ရပြီး သေဆုံးခဲ့ပါတယ်။ လူမှုကွန်ရက်သုံးစွဲသူတွေနဲ့ ကာယံရှင်မိသားစုဝင်တွေရဲ့ အဆိုအရ ဦးကျော်ကျော်လင်းဟာ ၎င်းမောင်းနှင်တဲ့တက္ကစီယာဉ်ကို YBS ယာဉ်က အနောက်မှ ဝင်ရောက်ခဲ့လို့ ကားပေါ်က ဆင်းကာ ပြောဆိုချိန်မှာ YBS ယာဉ်ဟာ ဦးကျော်ကျော်လင်းကို တိုက်ပြီး ထွက်ပြေးသွားတာဖြစ်တယ်လို့ သိရပါတယ်။ ယာဉ်တိုက်ခံရမှုဖြစ်စဉ်အတွင်း သေဆုံးခဲ့တဲ့ အငှားယာဉ်မောင်းဖြစ်သူ အသက်(၅၂)နှစ်အရွယ် ဦးကျော်ကျော်လင်းဟာ ခန္ဓာကိုယ်အစိတ်အပိုင်းအချို့ တခြားစီဖြစ်ရတဲ့အထိ ဖြစ်ခဲ့ရပါတယ်။ ဒီဖြစ်စဉ်နဲ့ ပတ်သက်ပြီး ကွယ်လွန်သူ ဦးကျော်ကျော်လင်းရဲ့ မိသားစုဝင်တွေကတော့ အဖြစ်မှန် ပေါ်ပေါက်စေချင်ကြောင်း ပြောဆိုပါတယ်။