ကျင်စန်းကျော့ ဂိတ်အနီး ကုန်တင်မော်တော်ယာဉ်များ မီးလောင်ပျက်စီးမှု ၈၅ စီးအထိရှိခဲ့ပြီး ဆုံးရှုံးမှုအနေဖြင့် ယာဉ်တစ်စီးလျှင် ခန့်မှန်းတန်ဖိုး ကုန်ပစ္စည်းများအပါအဝင် ကျပ်သိန်း ၃၀၀၀ နှင့် သိန်း ၅၀၀၀ ကြားရှိ
ရှမ်းပြည်နယ်မြောက်ပိုင်း မူဆယ်မြို့ ကျင်စန်းကျော့ဂိတ်အနီးရှိ ကုန်တင်ယာဉ်များရပ်နားသည့် 7 ဟွာကျင့် ဝင်းအတွင်း၌ နိုဝင်ဘာ ၂၃ ရက် နံနက် ၈ နာရီခွဲခန့်က ဗုံးကျရောက်ပေါက်ကွဲမှုကြောင့် ကုန်တင်ယာဉ် အချို့ မီးလောင်ခဲ့ပြီး ညနေ ငါးနာရီခွဲတွင် မီးငြိမ်းခဲ့ကြောင်း မော်တော်ယာဉ် အစီးရေ ၈၅ စီး မီးလောင်ကျွမ်းခဲ့ကြောင်း သိရသည်။
