တောင်တရုတ်ပင်လယ်ပြင်တွင်ဖြစ်ပေါ်နေသည့် အပူပိုင်းမုန်တိုင်းငယ်သည် အပူပိုင်းမုန်တိုင်းအဖြစ်ရောက်ရှိပြီး မုန်တိုင်း၏ အကြွင်း အကျန်တိမ်တိုက်များနှင့်လေပွေလှိုင်းသည် မြန်မာနိုင်ငံအရှေ့တောင်ပိုင်းဒေသများသို့ စက်တင်ဘာ ၂၀ တွင်စတင်ဖြတ်ကျော်မည်
တောင်တရုတ်ပင်လယ်ပြင်မှာ ဖြစ်ပေါ်နေတဲ့ အပူပိုင်းမုန်တိုင်းငယ်ဟာ အပူပိုင်းမုန်တိုင်း “ဆိုးလစ်ခ်(SOULIK)” အဖြစ် ရောက်ရှိခဲ့ပြီး စက်တင်ဘာ ၂၀ ရက်မှာ မုန်တိုင်းရဲ့ အကြွင်းအကျန်တိမ်တိုက်တွေနဲ့လေပွေလှိုင်းဟာ မြန်မာနိုင်ငံ အရှေ့ တောင် ပိုင်းဒေသတွေကို စတင်ဖြတ်ကျော်နိုင်တယ်လို့ မိုးလေဝသနှင့် ဇလဗေဒညွှန်ကြားမှုဦးစီးဌာနက စက်တင်ဘာ ၁၉ ရက် ဒီကနေ့ မှာ အထူးသတင်းအနေနဲ့ ထုတ်ပြန်ပါတယ်။
