နွေဦးရောက်ပြီဆိုတိုင်း ဥသြငှက်ရဲ့ လွမ်းမောဖွယ်ရာအော်မြည်သံနဲ့အတူ မြန်မာနိုင်ငံသူ မြန်မာနိုင်ငံသားတိုင်း မျှော်ရတဲ့ ရိုးရာပွဲတော်တစ်ခု..။ ပူပြင်းလွန်းတဲ့နွေအပူကိုအံတုပြီး အေးမြခြင်းတွေ စီးဆင်းစေဖို့ရာ တစ်ဦးကိုတစ်ဦး ရေစင်ဖြန်းပက်ရင်း အချင်းချင်းရင်းနှီးခင်မင်မှုတိုးစေတဲ့ ရိုးရာပွဲတော်တစ်ခု..။ တစ်နှစ်မှာ တစ်ခါသာရှိပြီး အားလုံးပျော်ရွှင်စွာနဲ့ ဆင်နွှဲကြတဲ့ ရိုးရာပွဲ တော်တစ်ခု..။ အဲဒါဟာ မြန်မာ့ရိုးရာမဟာသင်္ကြန်ပွဲတော်ပဲဖြစ်ပါတယ်။ ဒီအတာသင်္ကြန်ပွဲတော်ဟာ အခုဆိုရင်တော့ ယူနက်စကို ရဲ့ “လူသားမျိုးနွယ်ဆိုင်ရာ ဒြပ်မဲ့ယဉ်ကျေးမှု အမွေအနှစ်စာရင်း” အဖြစ် အတည်ပြုသတ်မှတ်ခံခဲ့ရပြီပဲဖြစ်ပါတယ်။