မန္တလေးမြို့ ကျုံးဘေးတွင် ငလျင်ဘေးဒဏ်ခံစားရသူများနှင့် ငလျင်လာရှောင်သူများ ယာယီမိုးကာများဖြင့် နေထိုင်သူများပြားလျက် ရှိ
မန္တလေးမြို့ ကျုံးဘေးမှာ ငလျင်ဘေးဒဏ်ခံစားရသူတွေနဲ့ ငလျင်လာရှောင်သူတွေ ယာယီမိုးကာတွေနဲ့ နေထိုင်သူ များ ပြားလျက်ရှိတယ်လို့သိရပါတယ်။
"အရင်က ကျုံးအနောက် လမ်း ၈၀ ဘေးမှာ ရှိတဲ့ ဝန်းထဲက တိုက်ခန်းနဲ့နေတာပါ။ ငလျင်လှုပ်လို့ တိုက်ခန်းအောက်က မြေညီထပ်က ကျွံသွားတယ်။ တိုက်ခန်းလည်း စောင်းသွားပြီ။ နေလို့လည်း မရတော့ဘူး။ ကျုံးဘေးမှာ မိုးကာတစ်ချပ်နဲ့ ယာယီ တဲ ထိုးပြီး မိသားစုလိုက် နေနေရပါတယ်"ဟု အသက် ၆၀ ကျော် အမျိုးသားတစ်ဦးက ပြောသည်။ကျွန်မ တို့အိမ်က အက် သွားတာပဲ ဖြစ်သွားတာပါ။ ငလျင်က ဆက်တိုက်လှုပ်နေတော့ အိမ်မှာ ဆက်မနေရဲတော့ဘူး။ ကျုံးဘေးမှာ ယာယီမိုးကာ ထိုးပြီး နေနေတာပါ"ဟု အသက် ၅၀ ကျော် အမျိုးသမီး တစ်ဦးကလည်း ပြောပါသည်။ ယာယီမိုးကာများဖြင့် နေထိုင်သူများသည် ကျုံးအနောက်ဘက် လမ်း ၈၀ တွင် အများဆုံးဖြစ်ကြောင်း သိရသည်။
