တပ်မတော်က အပစ်ရပ် ကြေညာချက် ထုတ်ပြန်ပြီးနောက်ပိုင်း တိုင်းရင်းသား လက်နက်ကိုင်အဖွဲ့များနှင့် တွေ့ဆုံဆွေးနွေးမှု (၁၄) ကြိမ်ရှိခဲ့ပြီး အထိုက်အလျောက် တိုးတက်မှု ရှိခဲ့ဟု ဦးဇော်ဌေး ပြော
တပ်မတော်အနေနဲ့ တိုင်းစစ်ဌာနချုပ်နယ်မြေ(၅) ခုမှာ ပစ်ခတ်တိုက်ခိုက်မှုရပ်စဲရေး ကြေညာချက်ကို ၂၀၁၈ ခုနှစ် ၊ ဒီဇင်ဘာ ၂၁ ရက်နေ့ ရက်စွဲနဲ့ ထုတ်ပြန်ခဲ့ပြီးနောက်ပိုင်း အစိုးရနဲ့တပ်မတော် ငြိမ်းချမ်းရေး ဆွေးနွေးရေးအဖွဲ့တွေအနေနဲ့ တိုင်းရင်းသား လက်နက်ကိုင်အဖွဲ့တွေနဲ့ တွေ့ဆုံဆွေးနွေးမှု စုစုပေါင်း(၁၄) ကြိမ်ရှိခဲ့ပြီး အထိုက်အလျောက် တိုးတက်မှု ရှိခဲ့တယ်လို့ နိုင်ငံတော် သမ္မတရုံး ပြောရေးဆိုခွင့်ရှိသူ ဦးဇော်ဌေးရဲ့ ပြောကြားချက်အရ သိရပါတယ်။
