မြန်မာ နှင့် နီပေါ (ဧပြီလ ၃၀ ရက်၊ မြန်မာစံတော်ချိန် ည ၇ နာရီ) ■ ၂၀၁၉ အာရှယူ-၁၉ အမျိုးသမီးချန်ပီယံရှစ် ခြေစစ်ပွဲဒုတိယအဆင့်မှာ မြန်မာအမျိုးသမီးအသင်းက သြစတြေးလျ၊ ဥဇဘက်ကစ္စတန်၊ နီပေါအသင်းတွေနဲ့ အုပ်စုတစ်ခုတည်းကျရောက်နေပြီး အဆိုပါအုပ်စုပွဲစဉ်တွေကို မန္တလေးမြို့၊ မန္တလာသီရိကွင်းမှာ ကျင်းပသွားမှာဖြစ်ပါတယ်။ မြန်မာအမျိုးသမီးအသင်းက နောက်ဆုံးပွဲစဉ်အဖြစ် ဧပြီလ (၃၀)ရက်မှာ နီပေါအသင်းနဲ့ ကစားရမှာဖြစ်ပါတယ်။ ■ ခြေစစ်ပွဲဒုတိယအဆင့်ကို လေးသင်းပါအုပ်စု(၂)ခုခွဲကစားနေပြီး အုပ်စုနှစ်ခုက အုပ်စုပထမနဲ့ အုပ်စုဒုတိယအသင်းနှစ်သင်းစီဟာ ထိုင်းနိုင်ငံမှာ ကျင်းပမယ့် အာရှယူ-၁၉ ပြိုင်ပွဲကို ဝင်ရောက်ယှဉ်ပြိုင်ခွင့်ရရှိမှာလည်းဖြစ်ပါတယ်။ ■ အာရှ ယူ-၁၉ နောက်ဆုံးအဆင့်ပြိုင်ပွဲကို တက်ရောက်ခွင့်ရရှိဖို့အတွက် မြန်မာအသင်းအနေနဲ့ နောက်ဆုံးပွဲမှာ နီပေါအသင်းကို ပရိသတ်စိတ်ကျေနပ်အောင် အနိုင်ယူကစားပြမလား ၊ နီပေါအသင်းကရော မြန်မာအသင်းကို ဘယ်လောက်အထိ ဒုက္ခပေးနိုင်မလဲ စတာတွေကို Eleven Sports ရဲ့ အကြီးတန်းအယ်ဒီတာ ကိုဇာနည်အောင်နဲ့ အစီအစဉ်တင်ဆက်သူ မမင်းရှင်းသန့်တို့က သုံးသပ်တင်ဆက်ပေးထားပါတယ်။