ဆရာတော် ဦးဝီရသူအား ဖမ်းဆီးရန် ဖမ်းဝရမ်းနှင့် ပတ်သက်၍ မြို့နယ်သံဃနာယက ဆရာတော်များထံ ရဲတပ်ဖွဲ့က သွားရောက် လျှောက်ထား
ရန်ကုန်တိုင်းဒေသကြီး အနောက်ပိုင်းခရိုင် တရားရုံးက ပုဒ်မ ၁၂၄ (က) ဖြင့် မန္တလေးမြို့ မစိုးရိမ်တိုက်သစ် ဆရာတော် ဦးဝီရသူကို ဖမ်းဆီးဖို့ မေလ (၂၈) ရက်မှာ ဖမ်းဝရမ်း ထုတ်ပြန်ခဲ့ပြီးနောက် မေလ ၂၉ ရက် ညနေပိုင်းက မန္တလေးတိုင်းဒေသကြီး မဟာအောင်မြေမြို့နယ်ရဲတပ်ဖွဲ့ တာဝန်ရှိသူတွေက မစိုးရိမ်ကျောင်းတိုက်အတွင်းရှိ မြို့နယ် သံဃနာယကအဖွဲ့ ဆရာတော်တွေထံ လာရောက် လျှောက်ထား ခဲ့တယ်လို့ သိရပါတယ်။
