■ မော်ရင်ဟိုရွေးချယ်သည့် ချန်ပီယံလိဂ်အကောင်းဆုံးအသင်းတွင် မက်ဆီပါဝင်ခဲ့သော်လည်း စီရော်နယ်လ်ဒို ချန်လှပ်ခံရ မန်ချက်စတာယူနိုက်တက်နည်းပြဟောင်း မော်ရင်ဟိုက ယခုနှစ်ချန်ပီယံလိဂ်ပြိုင်ပွဲရဲ့အကောင်းဆုံးအသင်းကို ရွေးချယ်ခဲ့ရာ ဘာစီလိုနာတိုက်စစ်မှူး မက်ဆီပါဝင်ခဲ့ပေမယ့် ဂျူဗင်တပ်စ်တိုက်စစ်မှူး စီရော်နယ်လ်ဒို ချန်လှပ်ခံခဲ့ရတယ်လို့ သိရပါတယ်။ ■ ဆာရီသာ ဂျူဗင်တပ်စ်ကိုပြောင်းရွှေ့ခဲ့ပါက နာပိုလီအပေါ်သစ္စာဖောက်ခြင်းဖြစ်လိမ့်မည်ဟု တပည့်ဟောင်း အင်ဆစ်ဂ်နီ ပြော နာပိုလီတောင်ပံကစားသမား လော်ရန်ဇို အင်ဆစ်ဂ်နီက သူ့ရဲ့ဆရာဟောင်းဖြစ်သူ ဆာရီအနေနဲ့ ဂျူဗင်တပ်စ်ကို ပြောင်းရွှေ့ဖြစ်ခဲ့မယ်ဆိုပါက နာပိုလီအသင်းအပေါ်သစ္စာဖောက်ခြင်းဖြစ်လိမ့်မယ်လို့ ပြောကြားခဲ့ပါတယ်။ ■ အာဂျင်တီးနားအနေဖြင့် ကိုပါအမေရိကချန်ပီယံဆုအတွက် ယခင်အချိန်များကဲ့သို့ ရေပန်းစားခြင်းမရှိတော့ဟု မက်ဆီ ဝန်ခံ အာဂျင်တီးနားအသင်းတိုက်စစ်မှူးလီယွန်နယ်မက်ဆီက သူတို့အသင်းဟာ ဟိုအရင်တုန်းကလို ကိုပါအမေရိက ချန်ပီယံဆုအတွက် ရေပန်းအစားဆုံးအသင်းတွေထဲမှာ မပါဝင်တော့ဘူးလို့ ဝန်ခံပြောကြားခဲ့ပါတယ်။ ■ ၂၀၁၈/၁၉ ရာသီ ချန်ပီယံလိဂ်ပြိုင်ပွဲ၏ Pass Master အဖြစ် ဘာစီလိုနာကွင်းလယ်လူ ဘူးစကွက်စ် သတ်မှတ်ခံရပြီး ဘောလုံးပေးပို့မှု စုစုပေါင်း၏ (၉၃)ရာခိုင်နှုန်း အောင်မြင်ခဲ့ ၂၀၁၈/၁၉ ဘောလုံးရာသီ ချန်ပီယံလိဂ်ပြိုင်ပွဲရဲ့ Pass Master အဖြစ် ဘာစီလိုနာကွင်းလယ်လူ ဘူးစကွက်စ် သတ်မှတ်ခံခဲ့ရပြီး သူပေးပို့ခဲ့တဲ့ ဘောလုံးပေးပို့မှု စုစုပေါင်းရဲ့ (၉၃)ရာခိုင်နှုန်း အောင်မြင်ခဲ့တယ်လို့ သိရပါတယ်။ ■ လာမည့်နွေရာသီတွင် စပါးမှထွက်ခွာဖွယ်ရှိဟု ရီးယဲလ်နှင့် မန်ယူအသင်းတို့၏ပစ်မှတ် အဲရစ်ဆင် ဝန်ခံ ရီးယဲလ်မက်ဒရစ်အသင်းနဲ့ မန်ချက်စတာယူနိုက်တက်တို့က ခေါ်ယူဖို့စိတ်ဝင်စားနေတဲ့ စပါးကွင်းလယ်လူ အဲရစ်ဆင်က သူ့အနေနဲ့ လာမယ့်နွေရာသီအပြောင်းအရွှေ့မှာ စပါးအသင်းကနေ ထွက်ခွာဖွယ်ရှိတယ်လို့ ဝန်ခံပြောကြားခဲ့ပါတယ်။ အစရှိတဲ့သတင်းတွေကို တင်ဆက်ပေးသွားမှာ ဖြစ်ပါတယ်။