ခြံအမှတ် (၅၄) နှင့်ပတ်သက်ပြီး ဒေါ်အောင်ဆန်းစုကြည်က မြေကွက်ခွဲလျှောက်ထားမှုကို ဦးအောင်ဆန်းဦးက ကန့်ကွက်သည့်ကိစ္စ ပြည်ထောင်စုဥပဒေချုပ်ရုံးထံ အကြံဉာဏ်တောင်းခံထားဆဲဖြစ်
ရန်ကုန်မြို့၊ တက္ကသိုလ်ရိပ်သာလမ်းရှိ မိခင်ဖြစ်သူ ဒေါ်ခင်ကြည်ပိုင် ခြံအမှတ် (၅၄) ကို ဒေါ်အောင်ဆန်း စုကြည် က မြေကွက်ခွဲ လျှောက်ထားမှုအပေါ် အစ်ကိုဖြစ်သူ ဦးအောင်ဆန်းဦးက ကန့်ကွက်ခဲ့တဲ့ကိစ္စနဲ့ ပတ်သက်လို့ ပြည်ထောင် စုဥပဒေချုပ်ရုံးထံ အကြံဉာဏ်တောင်းခံထားဆဲဖြစ်ပြီး အဲ့ဒီက ပြန်ကြားလာတဲ့အပေါ် မူတည်ဆောင်ရွက် သွားမယ်လို့ ရန်ကုန်မြို့တော်စည်ပင် တာဝန်ရှိသူတွေက ပြောပါတယ်။
