မင်းသွေး ခေါင်းဆောင်မင်းသားအဖြစ် ပါဝင်ခဲ့သည့် "သတ်ကွင်း" ရုပ်ရှင်ဇာတ်ကား အထူးပွဲတွင် ကွယ်လွန်သူ မင်းသွေးအတွက် စက္ကန့်(၃၀)ခန့် ငြိမ်သက်ဆုတောင်းပေးခဲ့
ကွယ်လွန်သူ သရုပ်ဆောင် မင်းသွေး အဓိကဇာတ်ဆောင်အဖြစ် ပါဝင်ထားတဲ့ "သတ်ကွင်း" ရုပ်ရှင်ဇာတ်ကား အထူးပွဲကို ဒီဇင်ဘာလ(၆)ရက်နေ့ ညပိုင်းကပြုလုပ်ခဲ့ပြီး ဒီပွဲကို တက်ရောက်နိုင်ခြင်း မရှိတော့တဲ့ မင်းသွေးအတွက် စက္ကန့်(၃၀)ခန့်ငြိမ်သက်ကာ ဆုတောင်းပေးခဲ့ကြပါတယ်။ "သတ်ကွင်း" ရုပ်ရှင်ဇာတ်ကား အထူးပွဲမှာ အဖွဲ့သားတွေနဲ့ ချစ်ခင်သူတွေက မင်းသွေးနဲ့ပတ်သက်တဲ့ အမှတ်တရတွေကို အခုလို ပြန်လည်ပြောပြခဲ့ကြပါတယ်။
