အောက်တိုဘာလ (၁၃)ရက်က ယှဉ်ပြိုင်ထိုးသတ်ခဲ့တဲ့ ဖိလစ်ပိုင်နိုင်ငံသား ဗီရာနဲ့ လိုက်ဟဲဗီးဝိတ်တန်းချန်ပီယံကာကွယ်ပွဲစဉ်မှာ အောင်လအန်ဆန်ကို မြန်မာပရိသတ်တွေ အားပေးခဲ့ပုံတွေ စုစည်းပြီး One Championship က ဂုဏ်ပြုဖော်ပြခဲ့ပါတယ်။
အောင်လအန်ဆန်က စိန်ခေါ်သူ ဗီရာကို ဒုတိယအချီမှာ ဒိုင်ပွဲရပ်အနိုင်ယူခဲ့တာဖြစ်ပြီး မြန်မာပရိသတ်တွေအတွက် ပျော်ရွှင်မှု ဖန်တီးပေးခဲ့ပါတယ်။ အဖက်ဖက်ကနိမ့်ကျနေတဲ့ နိုင်ငံတစ်ခုမှာ ပျော်ရွှင်မှု၊ ဂုဏ်ယူမှုတွေ ဖန်တီးပေးနေတဲ့ အောင်လအန်ဆန်ဟာ နိုင်ငံသူရဲကောင်းအစစ်ဖြစ်လာပါပြီ။
