တိုင်းဒေသကြီး အစိုးရများဟာ ပြည်ထောင်စုအစိုးရရဲ့ လက်ဝေခံ အစိုးရသဖွယ် ဖြစ်နေတာကို အလွယ်တကူ မြင်နိုင်ပါတယ်…၊ ၂၅ ရာခိုင်နှုန်းက အနိုင်ရမှာကို ၇၅ ရာခိုင်နှုန်းက စိုးရိမ်တယ်ဆိုတာ မဖြစ်သင့်ပါဘူး…။
■ ဦးဖေသန်း (ပြည်သူ့လွှတ်တော် ကိုယ်စားလှယ်၊ မြေပုံမြို့နယ် ရခိုင်ပြည်နယ်)
မတ်လ ၅ ရက်နေ့တွင် ကျင်းပသည့် ပြည်ထောင်စုလွှတ်တော် အစည်းအဝေးတွင် ဖွဲ့စည်းပုံ အခြေခံဥပဒေကို ဒုတိယအကြိမ် ပြင်ဆင်သည့် ဥပဒေမူကြမ်းများပါ ပုဒ်မ၊ ပုဒ်မခွဲများအပေါ် ရခိုင်ပြည်နယ်၊ မြေပုံမြို့နယ် ပြည်သူ့လွှတ်တော် ကိုယ်စားလှယ် ဦးဖေသန်း၏ ဆွေးနွေးချက်များထဲမှ ထုတ်နုတ်ဖော်ပြ ပေးထားခြင်း ဖြစ်ပါသည်။
