ကမ္ဘာ့ကပ်ရောဂါအဖြစ် ကမ ္ဘာ့ကျန်းမာရေး အဖွဲ့အစည်း (WHO) က မကြာသေးခင်ကမှ တရားဝင်ကြေညာထားတဲ့ ကိုရိုနာဗိုင်းရပ်စ် ကူးစက်ရောဂါဟာ အီတလီနိုင်ငံမှာ အချိန်တိုအတွင်း ကူးစက်ပြန့်ပွားနှုန်း တစ်မုဟုတ်ချင်း မြင့်တက်လာ ခဲ့ပြီး ရောဂါပိုးစတင်တွေ့ရှိခဲ့တဲ့ တရုတ်နိုင်ငံပြီးရင် ကူးစက်ခံရမှုအများဆုံး ဖြစ်လာခဲ့ပါတယ်။
အီတလီအစိုးရဟာ ဗိုင်းရပ်စ်အန္တရာယ် တိုက်ဖျက်ရေးအတွက် နိုင်ငံတစ်ဝန်း အရေးပေါ်အစီအမံတွေကို တိုးမြှင့် လုပ်ဆောင်ထားတာကြောင့် ပြည်သူ သန်း ၆၀ကျော်ဟာ ရောဂါခြေချုပ် အစီအမံတွေအောက်မှာ နေထိုင်နေရသလို တစ်နိုင်ငံလုံးမှာလည်း ခရီးသွားလာမှုဆိုင်ရာ ပိတ်ပင်ကန့်သတ်မှုတွေ ပြုလုပ်ထားပြီး ပွဲလမ်းသဘင်တွေ၊ အားကစားပြိုင်ပွဲတွေနဲ့ လူစုလူဝေး လုပ်တာတွေကိုလည်း ပိတ်ပင်ထားပါတယ်။
