စစ်ဌာနချုပ်နယ်မြေငါးခုတွင် နယ်မြေအလိုက် စစ်ရေးဆိုင်ရာလှုပ်ရှားမှုအားလုံး လေးလကျော် ရပ်ဆိုင်းပေးမည်ဆိုသော တပ်မတော်ကာကွယ်ရေးဦးစီးချုပ်ရုံး ထုတ်ပြန်ချက်ကို ကြိုဆိုကြောင်း NRPC ထုတ်ပြန်
တပ်မတော်ရဲ့ စစ်ဌာနချုပ် နယ်မြေငါးခုရှိ NCA လက်မှတ်ရေးထိုးဖို့ ကျန်ရှိနေတဲ့တိုင်းရင်းသားလက်နက်ကိုင် အဖွဲ့အစည်းတွေနဲ့ ပစ်ခတ်တိုက်ခိုက်မှုရပ်စဲရေးအတွက် အဖွဲ့တစ်ဖွဲ့ချင်းအလိုက်ညှိနှိုင်းဆွေးနွေးသွားဖို့ ၂၀၁၈ ခုနှစ် ဒီဇင်ဘာ ၂၁ရက်ကနေ၂၀၁၉ ခုနှစ်ဧပြီလ၃ဝရက်နေ့အထိစစ်ဆင်ရေးနယ်မြေအလိုက် စစ်ရေးဆိုင်ရာလှုပ်ရှားမှုအားလုံး ရပ်ဆိုင်းပေးမယ်ဆိုပြီး ပါဝင်တဲ့ တပ်မတော်ကာကွယ်ရေးဦးစီးချုပ်ရုံးရဲ့ ထုတ်ပြန်ချက်ကို ကြိုဆိုကြောင်း အမျိုးသားပြန်လည်သင့်မြတ်ရေးနှင့် ငြိမ်းချမ်းရေးဗဟိုဌာန(NRPC) က ထုတ်ပြန်ပါတယ်။
