လွိုင်ကော်မြို့တွင် ဗိုလ်ချုပ်အောင်ဆန်းကြေးရုပ်တု မတည်ဆောက်ရေး လှုပ်ရှားမှုများကြောင့် မြို့နယ် ၅ မြို့နယ်တွင် တရားစွဲခံထားရသူများကို တရားရုံးတစ်ခုတည်းတွင်သာ စုပေါင်း တရားရင်ဆိုင်ခွင့်ပြု
ဗိုလ်ချုပ်အောင်ဆန်းကြေးရုပ်တု မတည်ဆောက်ရန်နဲ့ ကရင်နီသမိုင်းအမှန် သိရှိစေရန် စာရွက်ဖြန့်ဝေခဲ့တာကြောင့် နိုင်ငံတော် အကြည်ညိုပျက်စေမှုတွေနဲ့ မြို့နယ် ၅ မြို့နယ်မှာ တရားစွဲဆို ခံထားရသော ကရင်နီလူငယ်တွေကို ဒီးမော့ဆိုမြို့နယ် တရားရုံးတစ်ခုတည်းမှာသာ စုပေါင်း တရားရင်ဆိုင်ရန် ဒီဇင်ဘာလ ၂၈ ရက်မှာ ပြည်နယ်တရားလွှတ်တော် ဒုတိယတရားသူကြီးက အမိန့်ချမှတ်လိုက်တယ်လို့ သိရပါတယ်။
