လွှတ်တော်ရုံးကားများဝယ်ယူရာတွင် အလွဲသုံးစားပြုမှုများရှိသည်ဟု တိုင်ကြားခံရမှုကြောင့် ပါတီမှ ခေါ်ယူ စစ်ဆေးခံရမှုနှင့် ပတ်သက်ပြီး ဧရာဝတီတိုင်းလွှတ်တော် ဒုတိယဥက္ကဋ္ဌ ပြန်လည်ဖြေရှင်း
ဧရာဝတီတိုင်းဒေသကြီးလွှတ်တော် လွှတ်တော်ရုံးကားများ အသုံးပြုနိုင်ရေးအတွက် ၂၀၁၇-၂၀၁၈ ဘဏ္ဍာရေးနှစ်တွင် ကားငါးစီးဝယ်ယူရာမှာ ဒုတိယလွှတ်တော်ဥက္ကဋ္ဌက ငွေကြေးအလွဲသုံးစားမှုများ ပြုလုပ်ခဲ့ တယ်လို့ တိုင်ကြားခံရမှုကြောင့် NLD ပါတီဗဟိုရုံးချုပ်က ခေါ်ယူစစ်ဆေးခံခဲ့ရတာနဲ့ပတ်သက်ပြီး လွှတ်တော် ဒုဥက္ကဋ္ဌ ဦးစံမင်းအောင်က သူ့အနေနဲ့ ငွေကြေးအလွဲသုံးစားပြုခြင်းမဟုတ်ဘဲ အခွန်များပေးသွင်းခြင်းနဲ့ ကားပြင်ဆင်စရိတ်များမှာ နားလည်မှု လွဲချော်ခဲ့ခြင်းသာဖြစ်တယ်လို့ ပြန်လည်ဖြေရှင်းပြောကြားပါတယ်။
