“စစ်တွေကနေ ရန်ကုန်ကို လေကြောင်းဖြင့် လာတဲ့သူတွေကို ဆက်သွယ်ပါလို့ပြောထားတယ်၊ မဆက်သွယ်ရင် ဥပဒေ ချိုးဖောက်ရာရောက်တယ်၊ ဥပဒေအရ အရေးယူမှာဖြစ်တယ်”
“စစ်တွေ-ရန်ကုန်ကို လေကြောင်းဖြင့် လာတဲ့သူ သြဂုတ်လ ၁၀ ရက်နေ့ကစပြီး ၇၀၀၀ ကျော်ရှိတယ်၊
အဲ့ဒီ့ကနေ ဘယ်လောက်ပျံ့သွားနိုင်လဲဆိုတာ စဉ်းစားကြည့်ရင် သိနိုင်ပါတယ်”
ဒေါ်အောင်ဆန်းစုကြည်
နိုင်ငံတော်၏ အတိုင်ပင်ခံပုဂ္ဂိုလ်
စက်တင်ဘာလ ၂ ရက်နေ့မှာ COVID-19 ဓာတ်ခွဲအတည်ပြုလူနာနှင့် ထိတွေ့သူများအား စုံစမ်းရှာ ဖွေဖော်ထုတ်ခြင်း၊ ကာကွယ်ထိန်းချုပ်ရေး စီမံဆောင်ရွက်ခြင်းတွေနဲ့ စပ်လျဉ်းပြီးနိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်မှ ပြည်ထဲရေးဝန်ကြီးဌာန ဒုတိယဝန်ကြီး ဗိုလ်ချုပ်စိုးတင့်နိုင်၊ ရန်ကုန်တောင်ပိုင်းခရိုင်အုပ်ချုပ်ရေးမှူး ဦးနေဝင်းအောင်၊ ရန်ကုန်တိုင်းဒေသကြီး ပြည်သူ့ကျန်းမာရေးဦးစီးဌာန လက်ထောက်ညွှန်ကြားရေးမှူး ဒေါက်တာသက်စုမွန်တို့နဲ့ အွန်လိုင်းကနေ ဆွေးနွေးမှုမှ ကောက်နုတ်ဖော်ပြခြင်း ဖြစ်ပါတယ်။
