ပြည်သူချစ်တဲ့ မမများအဖွဲ့ဟာဆိုရင်တော့ ပုံမှန်ကာလတွေမှာဆိုရင် မြန်မာတို့ရဲ့ ဆယ့်နှစ်လရာသီပွဲတော်တိုင်းမှာ ပရိသတ်တွေပျော်ရွှင်ဖို့အတွက် ဖျော်ဖြေမှုတွေပြုလုပ်ပေးခဲ့သလို ဈေးရောင်းပွဲတော်တွေမှာဆိုလည်းပါဝင်ခဲ့ကြပါတယ်။ ရုပ်ရှင်ဇာတ်ကားတွေမှာဆိုလည်း ကျရာဇာတ်ရုပ်ကနေ ပါဝင်သရုပ်ဆောင်ကြရင်း အနုပညာနဲ့အသက်မွေးဝမ်းကြောင်းပြုလုပ်ခဲ့ကြပေမယ့် ကိုဗစ်ကာလတွေမှာ “အနုပညာအလုပ်တစ်ခုတည်းနဲ့လုပ်စားလို့မရဘူးဆိုတာကို သိသွားပြီ၊ သိသွားတဲ့အချိန်မှာလည်း အရမ်း နောက်ကျသွားပြီ” လို့ဆိုခဲ့ရင်း အနုပညာရှင်တွေက အွန်လိုင်းပေါ်မှာဈေးရောင်းကြပေမယ့် စီးပွားဖြစ်လောက်တဲ့အထိတော့ မဟုတ်တဲ့အကြောင်းကို သူတို့ကြုံတွေ့ခဲ့ရအတိုင်းမျှဝေပေးခဲ့ပါတယ်