■ ဗာဒီနဲ့အတူ လက်စတာရဲ့ ချန်ပီယံရနံ့တွေ
ဗာဒီနဲ့အတူ လက်စတာရဲ့ ချန်ပီယံရနံ့တွေ သင်းပျံ့လို့လာပြန်ပြီလား။ အဲဒီချန်ပီယံရနံ့တွေအကြောင်း ဗာဒီရဲ့ နှလုံးသားထဲ စွဲမြဲခဲ့ဖူး၊ ရာနီရေးရီနဲ့အတူ ကျော်ကြားခဲ့သမျှ မမေ့နိုင်စရာဂုဏ်သိက္ခာ လက်စတာရဲ့ နှလုံးသားထဲ စွဲမြဲခဲ့ဖူး၊ ကွယ်လွန်သူ လက်စတာအသင်းပိုင်ရှင် ဗစ်ချိုင်းရဲ့ နှလုံးသားထဲလည်း စွဲမြဲခဲ့ဖူး။
အားနည်းသူတွေရဲ့ အသံဟာ ဒီရာသီမှာရော ပြန်လည်ကျယ်လောင်လာဦးမှာလား။ ၂၀၁၆ တုန်းကထက် ရာသီအစမှာ လက်စတာ အားကောင်းမောင်းသန်လွင့်ပျံနေလို့ ချန်ပီယံဆုကို မျှော်လင့်ခွင့်ရှိပြီလားဆိုတဲ့ မေးခွန်းတွေ ဖြစ်ပေါ်စေခဲ့ပေါ့။ လိဒ်စ်အသင်းကို ဂိုးပြတ်အနိုင်ရခဲ့ပြီးနောက် လက်စတာဟာ သူတို့ရဲ့ ရာသီအစအကောင်းဆုံးမှတ်တမ်းကို ပြန်လည်ပိုင်ဆိုင်ခဲ့ပေါ့။ စိတ်ကူးယဉ်အိပ်မက်တွေ၊ လက်စတာနည်းပြ ဘရန်ဒန်ရော်ဂျာစ်က စိတ်ကူးယဉ်အိပ်မက်တွေအကြောင်း မတွေးသေးဘူးလို့ ဖွင့်ဟထားပေမဲ့ ကျွမ်းကျင်သူတွေက လက်စတာဟာ ဗာဒီနဲ့အတူ အမြင့်ပျံလိမ့်မယ်လို့ သုံးသပ်နေကြပြီ။
လက်စတာဟာ Rolls-Royce တွေကြားထဲက Mini Cooper လေးပါ။ သူတို့ဟာ သေးငယ်တယ်၊ ဒါပေမဲ့ သန်မာတယ်၊ သူတို့ဟာ အထင်ကြီးမခံရဘူး၊ ဒါပေမဲ့ အသုံးဝင်တယ်။ ကိုယ့်တန်ဖိုးနဲ့ကိုယ် ထည်ဝါနေတယ်။ Mini Cooper လေး ဘယ်အထိခရီးဆက်နိုင်မလဲ။
