ဒီယေဂိုမာရာဒိုနာ..။ ဘောလုံးလောကရဲ့ အကြီးကျယ်ဆုံးသော အမည်နာမတွေထဲကတစ်ခု.။ ဘဝမှာ အမြဲတမ်း သူရဲကောင်းဆန်ဆန် နေထိုင်ဖို့မလွယ်ဘူးဆိုတာကို မကောင်းမှုတွေ အကြိမ်ကြိမ် ကျူးလွန်ပြရင်း အရိုင်းဆန်ဆန် ဗီလိန်ဘဝကို ကျေနပ်စွာခံယူနေတဲ့သူ။ (၂၀)ရာစုရဲ့ အကောင်းဆုံးဘောလုံးသမားအဖြစ် ပီလီကို ကျော်ဖြတ်ပြီး ရွေးချယ်ခံခဲ့ရသူလည်း ဖြစ်ပါတယ်။ မာရာဒိုနာရဲ့ဘဝကို ခွဲခြမ်းကြည့်လိုက်မယ်ဆိုရင် ဘောလုံး၊ မူးယစ်ဆေးနဲ့ မိန်းမတွေပဲ ရလိမ့်မယ်လို့တောင် ပြောစမှတ်တွင်ခဲ့သူ ဖြစ်ပါတယ်။
တစ်ခါက မာရာဒိုနာ ပြောဖူးခဲ့တယ်။ " ကျွန်တော့်အမေက သူ့ရဲ့သားက ကမ္ဘာပေါ်မှာအကောင်းဆုံးလို့ အမြဲတွေးတယ်။ အမေ့စကားကို လူတွေလက်ခံလာအောင် လုပ်ရင်း အခုလို အခြေအနေရောက်လာတာပါ " တဲ့။
လူအများစု သူ့ကို သမုတ်ကြတဲ့ ပါရမီရှင်၊ ဂျစ်ဆော၊ ဘဝကိုပျော်သလိုနေတတ်သူ၊ စည်းစနစ် မရှိသူဆိုတဲ့ နာမည်တွေကို ဂရုမစိုက်ဘဲ ဘဝကို ပျော်မွေ့သလို ဖြစ်သန်းခဲ့သူဖြစ်ပါတယ်။
