ဒေ့ဗ်နဲ့ ထွန်းထွန်းမင်းတို့ဟာ (၃)ကြိမ်တွေ့ဆုံခဲ့ တဲ့ မဟာပြိုင်ဘက်တွေဖြစ်ပြီး ပြိုင်ဆိုင်မှုအပြင်းထန်ဆုံးကတော့ နောက်ဆုံးအကြိမ် တွေ့ဆုံခဲ့တဲ့ ၂၀၁၈ ဒီဇင်ဘာတုန်းကပွဲစဉ်ဖြစ်ပါတယ်။ အဲဒီပွဲစဉ်မှာ ထွန်းထွန်းမင်းဟာ ဒေ့ဗ်ရဲ့ Game ကို အနောက်ကလိုက်ကစားခဲ့ရသူဖြစ်ခဲ့သလို၊ အနိမ့်သရေနဲ့ ပွဲစဉ်ပြီးဆုံး သွားခဲ့ပါတယ်။
နောက်ဆုံးယှဉ်ပြိုင်ခဲ့တဲ့ ရွှေရာမာန်နဲ့ပွဲစဉ်မှာလည်း တိုက်စစ်ကို ဦးဆောင်ပြခဲ့ပေမဲ့ လုံလောက်တဲ့ကြံ့ခိုင်မှု၊ အဆုံးသတ်နိုင်စွမ်းတွေ လျော့ကျလာတာကို တွေ့ရတယ်။ ပြောရရင် အလဲထိုးနိုင်စွမ်းမြင့်တဲ့ အရင်က ထွန်းထွန်းမင်းပုံစံကို မမြင်ရတော့တဲ့အခြေ အနေဖြစ်လာခဲ့တယ်။
ဒေ့ဗ်ဟာ WLC ရဲ့ ခရူဆာဝိတ်တန်းချန်ပီယံဆုကို UFC ဖိုက်တာဟောင်း ဆာ့ဘ်ဇင်စကီးကို အလဲထိုးပြီးယူတယ်။ နောက်တော့ ထွန်းထွန်း မင်းရဲ့ အကောင်းဆုံးအချိန်မှာတောင် တော်တော်လေးရင်ဆိုင်ခဲ့ရတဲ့ ဆိုင်းရပ်စ်ဝါရှင်တန် ကို ခေါင်းတိုက်ချက်တွေ၊ တံတောင်ရိုက်ချက်တွေ အများအပြားသုံးပြီး အနိုင်ယူပြခဲ့တယ်။
