စီရော်နယ်လ်ဒိုရဲ့ ဘောလုံးသမားဘဝနေဝင်ချိန် တဖြည်းဖြည်းနီးကပ်လာပါပြီ။ သူ့ရဲ့ လွမ်းမောဖွယ်ရာ ဘောလုံးသမားဘဝဖြတ်သန်းမှုအတိတ်ကို ပြန်ကြည့်တဲ့အခါ မန်ချက်စတာယူနိုက်တက်မှာ ကိုယ့်ကိုယ်ကိုယ် သန်မာထူးချွန်လာအောင် တည်ထောင်ခဲ့ရချိန်တွေဟာ အမှတ်ရဆုံးဖြစ်နေမလားပဲ။ ဒီလိုပဲ မန်ချက်စတာယူနိုက်တက်ပရိသတ်တွေဟာလည်း စီရော်နယ်လ်ဒိုရှိစဉ်ကာလတွေဟာ လွမ်းမောစရာအကောင်းဆုံး အခိုက်အတန့်တွေ ဖြစ်နေပါလိမ့်မယ်။ မန်ချက်စတာယူနိုက်တက်နဲ့ စီရော်နယ်လ်ဒို ရေစက်ဆုံခဲ့ချိန်ဟာ ဒဏ္ဍာရီတစ်ခုကို ဖန်ဆင်းပေးခဲ့ပါတယ်။ စီရော်နယ်လ်ဒိုဟာ ပရီးမီးယားလိဂ်ရဲ့ ထာဝရအကောင်းဆုံးခေါ်ယူမှုဆိုတာ ဘယ်သူငြင်းချင်ပါသလဲ။
