ရှေ့နှစ်မှာတုန်းကရှိခဲ့တဲ့ မလုပ်သင့်တဲ့အမှားမျိုးတွေ မလုပ်ဖြစ်အောင် ၂၀၂၁ မှာ ထိန်းသိမ်းပြီးရှေ့ဆက် သွားမယ် - ယုန်လေး အရင်းနှီးဆုံးသူငယ်ချင်းတွေဖြစ်ကြတဲ့ ယုန်လေးနဲ့ထူးခြားတို့ကတော့ နှစ်သစ်အစမှာလည်း ကြော်ငြာရိုက်ကူးရေးတစ်ခုကို အတူရိုက်ကူးခဲ့ကြပြီး သရုပ်ဆောင် ထူးခြားအနေနဲ့ကတော့“၂၀၂၀ မှာတုန်းက ဆိုရင် စီးပွားရေးလုပ်နေတော့ အဆင်ပြေပြေနေလို့ ရခဲ့တယ်(ဝက်ထူးခြား)ဖြစ်ခဲ့တယ်၊ ဒါပေမယ့်လည်း ၂၀၂၁ မှာတော့ အနုပညာအလုပ်ကို ပြန်လုပ်ချင်တယ်လို့ဆိုခဲ့ပါတယ်။ အဆိုတော်၊ သရုပ်ဆောင် ယုန်လေးကတော့ ၂၀၂၀ မှာတုန်းက သူ့အနေနဲ့အလုပ်တွေလည်း အများကြီးလုပ်ခဲ့သလို ပရိသတ်အထင်အမြင်လွဲမှား စေတဲ့ အမှာတွေရှိခဲ့တဲ့အတွက် ဒီလိုအမှားမျိုးတွေထပ်မဖြစ်ရအောင် ၂၀၂၁ မှာ ထိန်းသိမ်းပြီးရှေ့ဆက် သွားမယ်လို့ဆိုပါတယ်။