ချယ်လ်ဆီးဘုတ်အဖွဲ့က လက်ရှိအခြေအနေဆိုးတွေအတွက် ဆင်ခြေပေးစမ်းပါဆိုရင် လမ်းပတ် ဘာပြောရမယ်မသိဘူး။ သူကိုယ်တိုင်လည်း မယုံမရဲ ဖြစ်နေရှာတာ၊ လွန်ခဲ့တဲ့တစ်လလောက်ကမှ လမ်းပတ်ရဲ့ ချယ်လ်ဆီးဟာ မိုးတိမ်တွေထဲဝဲနေခဲ့တာ၊ ချန်ပီယံအိပ်မက်တွေနဲ့ ရွှန်းစိုနေခဲ့တာမဟုတ်လား။ လမ်းပတ်ဟာ သစ်အိုပင်ကြီးမဟုတ်ပါဘူး။ လမ်းပတ်ဟာ ညှစ်စရာအရည်ကုန်သွားတဲ့ ကြံချောင်းတစ်ချောင်းမဟုတ်ပါဘူး။ ယုံကြည်စိတ်နဲ့ မျှော်လင့်စိတ်တွေ စီးဆင်းနေဆဲပဲ။ ဒါပေမဲ့ သံပတ်သေခါစ နာရီတစ်လုံးဟာ ပုံမှတ်အတိုင်း ပြန်လည်ပတ်နိုင်အောင် အချိန်ပေးရပါဦးမယ်။