အိုမင်းခါစ ဘန်ဇီမာဟာ ရီးယဲလ်ရဲ့ သွင်းဂိုးမြစ်ဖျားဖြစ်နေဆဲပဲ။ ဒါပေမဲ့ သူဟာ တဖြည်းဖြည်းနဲ့ မနိုင်ဝန်ထမ်းလာရသလိုပဲ။ ဒီရာသီမှာ ပြိုင်ပွဲစုံ (၁၂)ဂိုး သွင်းယူထားပေမဲ့ ဘန်ဇီမာအလွန် အနာဂတ်တိုက်စစ်ကို ရီးယဲလ်မဖြစ်မနေမျှော်ကြည့်ရတော့မယ်။ သူတို့ရဲ့ ကာလရှည်အိပ်မက် Operation Mbappe ကို အသက်သွင်းရတော့မယ်။
စီရော်နယ်လ်ဒိုခေတ်လွန်မှာ ရီးယဲလ်ဟာ ကြယ်စင်စုစီမံကိန်းအသစ် သရုပ်ဖော်သင့်နေပါပြီ။ ချန်ပီယံလိဂ်အောင်မြင်မှုတွေ ဆွတ်ခူးခဲ့ရာ နှစ်ကာလတွေဆီက ရီးယဲလ်ရဲ့ ကြယ်ပွင့်တွေဟာ ဟောင်းနွမ်းစပြုနေပါပြီ။ ရီးယဲလ်ရဲ့ ကြယ်စင်စုစီမံကိန်းအသစ်မှာ အရေးအကြီးဆုံး လှုပ်ရှားမှုဟာ Operation Mbappe ပါပဲ။