နုပျိုနေဆဲ ဂန္ထဝင်များ (Sports Feature)
မော်ဒန်ခေတ်ဘောလုံးလောကမှာ ဘယ်လောက်ကောင်းမွန်တဲ့ အရည်အသွေးမြင့် ဘောလုံးသမားဖြစ်ပါစေ၊ မက်ဆီနဲ့ စီရော်နယ်လ်ဒိုတို့ရဲ့ခေတ်ပြိုင်ဖြစ်နေတာက သူတို့အတွက် ကံဆိုးမှုပါဆိုပြီး သုံးသပ်ပြောဆိုလေ့ရှိတယ်။ မော်ဒန်ခေတ်ဘောလုံးပရိသတ်တွေ မကြာခဏဆိုနေတဲ့ စကားတစ်ခွန်းလိုပါပဲ။ '' စီရော်နယ်လ်ဒိုနဲ့ မက်ဆီရဲ့ ပြိုင်ဆိုင်မှုကို မျက်ဝါးထင်ထင်မြင်ရတာဟာ ငါတို့ ပရိသတ်တွေအတွက် အဖိုးမဖြတ်နိုင်တဲ့ ဆုလာဘ်ပဲတဲ့ '' ။ သူတို့တွေဟာ အသက်အရွယ်ကို ကိန်းဂဏန်းတစ်ခုလို သတ်မှတ်ခဲ့ကြတယ်။ ဂန္ထဝင်မြောက်ခြင်းဟာ ဘာလဲဆိုတာကို မြင့်မားတဲ့ခံယူချက်တွေ၊ စွမ်းဆောင်ရည်တွေနဲ့ သက်သေပြတယ်။ အနာဂတ်ဘောလုံးကမ္ဘာမှာလည်း သူတို့ အကြောင်းတွေဟာ တသသ ပြောစရာလိုဖြစ်နေပါလိမ့်မယ်။
