မြစ်ဆုံ-ဧရာဝတီဟာ ပြည်သူ့အတွက်ပဲဖြစ်ပါစေ၊ ပြည်သူ့အကျိုးကို ပဲပြုပါစေ။ (Feature - ရုပ်သံအစီအစဉ်)
ကမ္ဘာပေါ်မှာ နိုင်ငံတစ်ခုတည်းကနေ မြစ်တစ်ခုကိုပိုင်ဆိုင်ရတာ အင်မတန် ရှားပါတယ်။ ဒါပေမဲ့ ဧရာဝတီမြစ်ကြီးကိုမြန်မာပြည်သူတွေ အပြည့်အဝ ပိုင်ဆိုင်ခွင့်ရှိခဲ့ကြပါတယ်။ လက်ရှိအချိန်အထိလည်း ပိုင်ဆိုင်နေပါသေးတယ်။
ဧရာဝတီမြစ်ကြီးရှင်သန်နိုင်ရေးဟာ အမျိုးသားရေးဖြစ်ပါတယ်။ လူတစ်ဦး တစ်ယောက်၊ ဒေသအပိုင်းအခြားတစ်ခု၊ လူမျိုးစုတစ်စု၊ ပါတီအဖွဲ့အစည်း တစ်ခု၊ ပညာရပ်ဆိုင်ရာနယ်ပယ်တစ်ခုရဲ့ သဘောထားအမြင်နဲ့ ဆုံးဖြတ် ဆောင်ရွက်ရမယ့်ကိစ္စမဟုတ်ပါဘူး။ ပညာရပ်ပေါင်းစုံ နယ်ပယ်ပေါင်းစုံကနေ သုံးသပ်လေ့လာပြီးမှ ပြည်သူ့ဘဝ တရားမျှတရေးအတွက် ဆောင်ရွက် ရမယ့်ကိစ္စပါ။
