အမရပူရမြို့နယ်ရှိ ထိုင်းဘုရင်ဟောင်းအထိမ်းအမှတ် ရှေးဟောင်းအဆောက်အအုံများထိန်းသိမ်းရန် နှစ်နိုင်ငံအစိုးရအချင်းချင်း ချိတ်ဆက်ဆောင်ရွက်ပါက စီမံကိန်းလုပ်ငန်းများစတင်နိုင်ရန် ထောက်ခံပေးမည်ဟု သာသနာရေးနှင့်ယဉ်ကျေးမှုဝန်ကြီး ပြော
အမရပူရမြို့နယ် တောင်သမန်အင်းမြောက်ဘက် လင်းဇင်းကုန်းသုသာန်ဟောင်းအတွင်းရှိ အမရပူရခေတ်လက်ရာ ထိုင်းဘုရင် ဟောင်းအထိမ်းအမှတ် ရှေးဟောင်းစေတီနဲ့ အဆောက်အအုံများကို ပြုပြင်ထိန်းသိမ်းနိုင်ဖို့အတွက် ထိုင်းနိုင်ငံအစိုးရအနေနဲ့ မြန်မာနိုင်ငံအစိုးရနဲ့ ချိတ်ဆက်ဆောင်ရွက်လာပါက စီမံကိန်းလုပ်ငန်းတွေ လုပ်ဆောင်နိုင်ဖို့ ထောက်ခံပေးမယ်လို့ သာသနာ ရေးနှင့် ယဉ်ကျေးမှုဝန်ကြီးဌာန ပြည်ထောင်စုဝန်ကြီး သူရဦးအောင်ကိုက ပြောကြားပါတယ်။
