ဘားအံမြို့နယ်ရွာသစ်ကုန်းကျေးရွာအနီး လှိုင်းဘွဲ့ချောင်းအတွင်းပြုတ်ကျခဲ့သည့် Probox ယာဉ်အတွင်းမှ အမျိုးသားနှစ်ဦး၏ ရုပ်အလောင်းအား ပြန်လည်ဆယ်ယူနိုင်ခဲ့
ကရင်ပြည်နယ်၊ဘားအံမြို့နယ်၊ ရွာသစ်ကုန်းကျေးရွာမှာရှိတဲ့ သမတ်ကွေ့ကူးတို့ဆိပ်မှာ နိုဝင်ဘာလ (၄) ရက်က ဖောင်ကူးတို့နဲ့ ကူးစဉ် Probox ယာဉ်တစ်စီးမှာ လှိုင်းဘွဲ့ချောင်းအတွင်းပြုတ်ကျခဲ့မှုဖြစ်ပွားခဲ့ပြီး နိုဝင်ဘာ ၅ ရက်ညပိုင်းက မော်တော်ယာဉ်ကို ရေအောက်မှာ ပြန်လည်တွေ့ရှိခဲ့ပြီး ကားအတွင်းကနေ အမျိုးသားနှစ်ဦးရဲ့ရုပ်အလောင်းတွေကိုလည်း ပြန်လည်ဆယ်ယူနိုင်ခဲ့တယ်လို့ လူမှုကူညီကယ်ဆယ်ရေးအဖွဲ့တွေထံက သိရပါတယ်။
