သက်တမ်း၂နှစ်သာကျန်ရှိတော့တဲ့ ရန်ကုန်တိုင်းအစိုးရက ရန်ကုန်မြို့သစ်စီမံကိန်းကို တရုတ်ကုမ္ပဏီ CCCCရဲ့ အမေရိကန်ဒေါ်လာသန်းထောင်ပေါင်းများစွာ ရင်းနှီးမြုပ်နှံမှုနဲ့ တည်ဆောက်ဖို့ ပြင်ဆင်နေပါတယ်။ ဒါပေမယ့် ရင်းနှီးမြှုပ်နှံမှု အခြေအနေနဲ့ စီမံကိန်းဆိုင်ရာအချက်အလက်တွေရဲ့ ပွင့်လင်းမြင်သာမှုမရှိတာ၊ ရရှိတဲ့သတင်းအချက်အလက်တွေအရ အကျိုးစီးပွားခွဲဝေမှုဆိုင်ရာတွေမှာ မျှတမှုမရှိတာ၊ အချုပ်အခြာ အာဏာထိပါးလာနိုင်မှုနဲ့ တရုတ်သြဇာလွှမ်းမိုးပြီး တရုတ်ကျွေးမှီ ထောက်ချောက်ထဲရောက်ရှိသွားမယ့် အလားအလာတွေကြောင့် မြို့သစ်စီမံကိန်းအပေါ်မှာ ပြည်သူတွေရဲ့ စိုးရိမ်မှုရေချိန်ကတော့ တနေ့ထက် တနေ့မြင့်တက်လာတာတွေ့ရပါတယ်။